Cobre San Rafael, novo patrocinador principal do CompoSala
Cobre San Rafael convértese no patrocinador principal do CD Composala para as dúas próximas tempadas. A sinatura celebrouse no Pavillón de Santa Isabel.
Desde a última semana de agosto, Cobre San Rafael é o patrocinador principal do CD Composala para as dúas próximas tempadas. Un respaldo que chega en plena primeira tempada do clube en Segunda División B.
A sinatura, en Santa Isabel
O acto celebrouse no Pavillón de Santa Isabel, a casa do CompoSala. Asistiron Fernando Díaz, coordinador dos proxectos de Cobre San Rafael, e por parte do clube o vicepresidente, Gabi, e o responsable de márketing, Rubén.
Tras a sinatura do acordo entre os responsables de ambas as partes tomáronse as fotos protocolarias, entre elas a de todo o equipo baixo o arco publicitario de Cobre San Rafael. A marca xa luce no peito da camiseta do equipo.
Un vídeo para contalo
Ademais, gravouse un vídeo con imaxes dun adestramento do equipo no que Rubén explica a importancia que ten para o clube este novo patrocinador.
Grazas, Cobre San Rafael, por confiar no proxecto.
