Tecdesoft patrocinará o Sénior Feminino do CompoSala
A empresa coruñesa Técnicas de Soft, coa súa marca Tecdesoft, únese ao CD Composala para apoiar o seu equipo feminino durante esta tempada.
Tecdesoft, marca da empresa coruñesa Técnicas de Soft, patrocinará o Sénior Feminino do CD Composala durante esta tempada.
Desde o principio das negociacións, Eva María Domínguez, conselleira delegada da empresa, apostou por apoiar o noso equipo feminino.
A sinatura, na Coruña
Uns días antes do inicio da competición, dúas das nosas xogadoras, Noa e Aurora, e o responsable de márketing do clube, Rubén, desprazáronse ao polígono de Pocomaco, na Coruña, para pechar o acordo que unirá a empresa co clube durante un ano.
Eva amosoulle ao clube as instalacións de Tecdesoft, onde se celebrou o acto de sinatura e se tomaron as fotos. A marca xa luce na camiseta do Sénior Feminino.
Grazas, Tecdesoft, por apostar polo fútbol sala feminino.
